Strike Back [S08 : E05] | ත්‍රස්තවාදී ප්‍රහාරවල ඇරඹුම.

පසුගිය කොටසින්

හෛයීම් ලැස්ති කරපු ගනුදෙනුව කොහොමහරි සිද්ද කරන්නයි ටොපාල්ට ඕන වුනෙ. මේ නිසාම නෝවින්ව අල්ලගෙන ප්‍රශ්න කලා අර උපකරණෙ දාලා තිබුණු පෙට්ටිය ඇරගන්න ඕන කරන කෝඩ් එක දැනගන්න ඕන නිසා. කොහොමහරි 20 එකේ ටීම් එකෙන් නෝවින්ව හොයාගෙන ආවත් ඒ වෙලාවේ ටොපාල් වගේම ඩැනි දෙන්නා උපකරණෙ අරන් පැනලා ගියා. නෝවින්ව බේරගන්න ඇලෙක්සැන්ඩර්ට වයිට්හෝල් එකේ ජේම්ස්ගෙන් අවසර ගන්න වුනා. හැබැයි ඒ වෙනුවට ඇලෙක්සැන්ඩර්ට නියෝග ලැබුනා උපකරණෙ අරන්, නෝවින්වත් බේරගෙන ස(ර්)කෝවා මරලා දාන්න කියලා. තමන් උදව් කරන්න ගියත් තමන්ට 20 ටීම් එකෙන් වෙන්න ගිය දේවල් තේරුම් ගත්ත ස(ර්)කෝවාගේ හිත වෙනස් වෙලා තමන්ගේ අරමුණ ඉෂ්ට කරගන්න කටයුතු නොකලාම නෙවෙයි. මොකද කලින් සීසන් එකේ අවසානයෙ වෙද්දී 20 එකේ අයටත් උදව් කරලා නැවතත් රුසියාවට ගිය ස(ර්)කෝවාව සලකලා තියෙන්නෙ රටේ ද්‍රෝහියෙක් විදිහට. ඉතින් ඒ දේවල් නිවැරැදි කරගන්න ලැබුණු අවස්ථාව තමයි මේ උපකරණෙ.

අන්තිමට උපකරණෙ 20 ටීම් එකට හො ස(ර්)කෝවාට ලබාගන්න බැරිව ගියා. සයෙෆ් හා මහීර් දෙන්නා අතට පත්වෙච්ච උපකරණෙත් අරගෙන ඒ දෙන්නා පැනලා ගියා. ආයෙ වතාවක් ඇලෙක්සැන්ඩර් මෙහෙයුම අසාර්ථක කරගත්තා වගේම වයිට්හෝල් එකේ ජේම්ස්ට බොරු කිව්වා ස(ර්)කෝවා මැරුණා කියලා. ඉතිං බොරු මරණයත් ලබා දුන්නු ස(ර්)කෝවාගෙ ඉරණම මොන විදිහේ එකක් වෙයිද කියලා, ඉදිරියේදී කතාව තුලින් දැකගන්න ලැබෙයිද කියන එක ලොකු ප්‍රශ්නයක්. සමහරවිට ආයෙ මේ කතාවෙන් දකින්න නොලැබෙන්න පුලුවන්. එහෙම නැත්තම් ඇලෙක්සැන්ඩර්ගේ බොරුත් අහුවෙලා ස(ර්)කෝවාවත් රුසියන් කාරයින්ට හො බ්‍රිතාන්‍ය කාරයින්ට අහුවෙලා මරලා දාන්නත් පුලුවන්. මොකද කොයි පැත්තෙන් අහු වුනත් දැන් නම් මරලා දාන තත්වයක් තියෙන්නෙ.

අද කොටසින්

දන්නවනෙ මේ වෙද්දී ඇලෙක්සැන්ඩර් වගේම 20 එකේ අයගේ බෙල්ල මුලින් හිරවෙලා තියෙන්නෙ කියලා? ඉතිං මේ අය ඉදිරියේදී කරන කියන දේවල් වලින් එයාලගෙ රාජකාරි ජීවිතය ගැන තීරණය වෙන්නෙත්. ඒ දේ ගැන අද ඔයාලට දැකගන්න ලැබෙයි. හැබැයි ඉතිං සුභ දෙයක් නම් නෙවෙයි. එහෙනම් ඉතිං බලලම ඉන්නකො මොකද වෙන්නෙ කියලා.