Ask Laftan Anlamaz [S01 : E23] | චණ්ඩි හයාත්!

සුපුරුදු විදියටම හයාත්-මුරාත් ආදර අන්දරය අරගෙනයි ආවේ මේ දිගහැරෙන්නේ 23 වෙනි කොටස, තවත් කොටස් කිහිපයකින් මේ කතාව අවසාන වෙනවා, ඉතින් ඒ අවසානය දකින්න නොඉවසිල්ලෙන් බලා ඉන්න කියලා ආරාධනා කරන ගමන් පහුගිය කොටසේ මතකය අවදි කරගෙන ඉමු.

පහුගිය කොටස ආරම්භයේදිම දකින්න ඇති මුරාත්ගේ අම්මා ලෙයිලව, මුරාත්ට හමුවුන විදිය පෙරුම් පුරල, පුරල අම්මයි, පුතයි මුණ ගැහුනේ නම් සතුටු වෙන්න පුලුවන් විදියකට නෙවේ. අවුරුදු ගානකින් නොදැකපු තමන්ගේ අම්මා රෝහලේ ඇඳක් උඩට වෙලා සිහියක් නැතුව ඉන්නවා බලා ඉන්නෙක මුරාත්ට දරාගන්න අසීරු වුනා. කොච්චර චණ්ඩිකම් කරත්, මුරණ්ඩුකම් කරත් හයාත් ඒ වෙලාවේ මුරාත් තනි කරේ නෑ. ඒ අතරේ නේජාත්, ඒ කිව්වේ මුරාත්ගේ තාත්තා කොහෙද ගියේ කියනෙක අසීමේ ආච්චි කිව්වා, නිවාඩුවකට දුර පළාතකට ගියා කියලයි ආච්චි නම් කිව්වේ! හැබැයි ඒ කතාව අහල දොරුක් ආච්චිට කෑගන්න ගත්තා, ආච්චි, ඩේර්‍යාට සලකන්නේ ලෙයිලටත් වඩා අඩු මිම්මෙන් කියල! ඔන්න එතනදි ඩේර්‍යත් දැනගත්තා, ලෙයිල බලන්න ආච්චි රෝහලට ගිය බව.

මේ අතරේ හයාත්ගේ අම්මයි, සීයයි හයාත්ගෙන් ඇහුවා මුරාත් එක්ක තියන ප්‍රශ්නේ ගැන. හයාත් ගෙදර අයට කිව්වා එයා මුරාත්ගෙන් වෙන් වුනා කියල. කට්ටියට මතක ඇතිනේ, මුරාත් දැකපු ලස්සන හීනේ! දුක හිතෙන සිද්ධි ගොඩක් අස්සේ ඒ වගේ එක ලස්සන හීනයක් හරි තිබුනෙක හොඳයි නේද? වැඩේ කියන්නේ මුරාත් හීනෙන් ඇහැරෙද්දී, ලෙයිලත් එයා දකිමින් හිටපු හීනෙන් මිදිලා පියවි සිහියට ආවා! හැබැයි, කවුරුවත් හිතපු නැති විදියට එයාට කිසි දෙයක් මතක නෑ!

හයාත්, මුරාත් විරසක වෙලා කියනෙක දැනගත්තම හැස්මත් සීයා දික්කසාද ලියවිල්ලක් ගෙනැත් හයාත් ලවා අත්සන් කරව ගත්තා. ඒත් මුරාත් ඇවිත් දික්කසාද ලියවිල්ල කෑලි කෑලි වලට ඉරල දැම්මා. දුක දරාගන්න බැරිව ළත වුනේ මුරාත් විතරක් නෙවෙයි, හයාත්ටත් ආදරේ වේදනාව දැනුනා. මුරාත්ගේ ආදරබර මතකයන් මතක් කර කර හිටිය හයාත් ක්ලාන්ත වුනා. ඒ වෙලාවේ එයා අතේ තිබුන මුරාත් පළන්දපු මුදුව වැටුනා.

මුරාත්ව දාලා ගියේ හයාත් විතරක් නෙවේ, තුවාල්නුත් මුරාත් එක්ක අමනාප වෙලා යන්න ගියා. අනේ ඉතින් අපේ දොරුක් කොල්ලා තකහනියක්ම තුවල් ගාවට ගිහින් එයාව ආපහු සාර්ටේ එකට එන්න කැමති කරගත්තා. මේ අතරේ ඩේර්‍යා රෝහලට ගිහින් ලෙයිලට තර්ජනේ කරා. ඊටත් පස්සේ තමා රසවත්ම සිද්ධියක් වුනේ, මුරාත් හීනෙන් දැකපු ටෙඩියවත් අරන් බොම්බයි මොටයිත් අරන් හයාත්ගේ ගේ ඉස්සරහට ඇවිත් කතා කරා, කට්ටිය හිතුවේ, දැන් නම් හයාත්ගේ මුරණ්ඩුකම් ඉවර වෙයි කියල වෙන්නැති! මොන? ඒ කොටසේ විතරක් නෙවේ, හයාත්ගේ මුරණ්ඩුකම් ඉවරයක් නැතුව මේ කොටසෙත් බලා ගන්න පුලුවන්!

පහුගිය කොටසේ වුන වැදගත්ම දෙයක් තමයි මුරාත්ගේ අම්මා ලෙයිලගේ ඇත්ත ස්වරූපය! මතකය නැති බවක් කිව්වට ලෙයිල කියල තියෙන්නේ බොරු! පේන විදියට නම් ඩේර්‍යට වඩා දරුණු, කපටි කෙනෙක් තමයි ලෙයිල කියන්නේ! අසීමේ ආච්චිටත් තර්ජනේ කරල, ලෙයිල හදන්නේ ගෙදර එන්නයි! ලෙයිල, ආච්චිට කියනවා එයා ගෙදර එද්දී, ඒ ගෙදර ඩේර්‍යා ඉන්න බෑ කියල. ලෙයිල ගෙදර ආවම තමන්ට උන් හිටි තැන් නැති වෙන නිසා ඩේර්‍යා කලබල වෙනවා. අසීමේ ආච්ච් එක්ක වාද කරනවා, අඩනවා. එතනදි නම් ඩේර්‍යා ගැන මුල්ම වතාවට දුක හිතුනා!

මේ අතරේ බලාපොරොත්තුවක් තියා ගන්න පුලුවන් විදියේ දෙයක් වෙන්නයි යන්නේ! මුරාත්, හයාත්ගෙන් එක අවස්ථාවක් ඉල්ලුව, හයාත් අවස්ථාව දුන්නට මුරාත්ට මේ චන්ඩි, මුරණ්ඩු හයාත්ව නම්ම ගන්නෙක නම් ලේසි නොවෙන පාටයි!

මේ අතරේ, ඩේර්‍යා එයාගේ සේවිකාව අල්ලන් සූදානම් වෙන්නේ තවත් යටිකූට්ටු වැඩකට!

අද එතැන් සිට…

Direct Download

| WEB-DL | x264 | 360p | 420MB |

 

WEB-DL | x264 | 720p  | 845MB |

 

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

3 thoughts on “Ask Laftan Anlamaz [S01 : E23] | චණ්ඩි හයාත්!

  • August 13, 2018 at 21:08
    Permalink

    23 උපැසිරසි දුන්නට බොහෝම ස්තූතියි.අනේ ඊ ළග එකත් ඉක්මනට දෙන්නකෝ

    Reply
  • August 13, 2018 at 21:09
    Permalink

    23 උපැසිරසි දුන්නට බොහෝම ස්තූතියි.අනේ ඊ ළග එකත් ඉක්මනට දෙන්නකෝ

    Reply

Leave a Reply

Your email address will not be published. Required fields are marked *

error: Alert: Content is protected !!