Frozen II (2019) | අද්භූත වනාන්තරය !!! [Bluray Updates]

Togo ගෙනත් වැඩි කාලයක් යන්න කලින් තවත් ඔයාල බලන් හිටපු ඇනිමේෂන් චිත්‍රපටයක් සමගින් එකතු වෙන්න ලැබුනා. කොටින්ම මේක බලාපොරොත්තු නොවුන වෙලාවක තමයි කරන්න ලැබුනේ. මේ චිත්‍රපටයේ පළමුවැන්නට උපසිරසි දුන්නේ විමා උනත් මේ දවස් වල කාර්යබහුලත්වය නිසා කැමැත්තෙන්ම එහි දෙවැන්නේ සිංහල උපසිරසි කරන්න මම භාරගත්තා. ඉතින් නියමාකාර උපසිරසකුත් නැති අතරේ දවසක් යන්න කලින් උපසිරස අරගෙන එන්න පුළුවන් උන එකත් ලොකු දෙයක්. මේ චිත්‍රපටය ගැන අමුතුවෙන් කියන්න ඕන නැහැනේ ෆ්‍රෝසන් කිව්වම ඔයාල දන්නවා අර අපූරු නිවුන් සොයුරියෝ දෙදෙනාගේ කතාව මොකද්ද කියල. ආනා සහ එල්සා කිව්වම ඒ ගැන නොදන්නා පොඩි දරුවෙක් නැති තරම්. ඒ බලපෑම කොයිතරම්ද කියනවා නම් ඒ වෙනුවෙන් කෙලි බාණ්ඩ, ඇඳුම්, පොත් පත් වගේ සැහෙන දේවල් වල ෆ්‍රෝසන් චරිත සහිත ඡායාරූප සමගින් උණු කැවුම් වගේ අදටත් විකිනෙනවා. කොටින්ම ඩිස්නි සමාගමට ෆ්‍රෝසන් පළමු චිත්‍රපටයේ පටන් මේ දක්වාම ආදායම් ගෙන්න සමත් උන දෙදෙනෙක් තමයි ආනා සහ එල්සා කියන්නේ. ඉතින් එවැනි පසුබිමක තමයි ඩිස්නි සමාගම එහි දෙවැන්න වෙනුවෙන් වැඩකටයුතු සූදානම් කරලා දෙවැන්න මේ විදිහට නොසිතු අවස්ථාවකට ඔබට මට මෙහෙම අන්තර්ජාලය හරහා බලන්න ලැබෙන්නේ.

විශේෂයෙන් කියන්න ඕන මේ චිත්‍රපටය දැනටමත් ගෝල්ඩන් ග්ලෝබ් සම්මාන උළෙලේ සම්මාන දෙකකට නාමයෝජනා සඳහා ඉදිරිපත් වෙලා තිබෙනවා. මතක ඇතිනේ පළමුවැන්න ඔස්කාර් සම්මාන දෙකක් හිමිකරගත්තා කියලා. බොහෝදුරට ඔස්කාර් සම්මාන උළෙල තුලත් ෆ්‍රෝසන් දෙවැන්න ලොකු පෙරලියක් කරාවි කියන බලාපොරොත්තුව තිබෙනවා. දැනට හොඳම සජීවිකරණ චිත්‍රපටය සහ හොඳම ගීතය වෙනුවෙන්   “Into the Unknown” ගීතය යෝජනා වී තිබෙනවා. ඉතින් බොහෝදුරට ගෝල්ඩන් ග්ලෝබ් පමණක් නෙමේ ඔස්කාර් සම්මානයකට හිමිකම් කියන්නත් මේ චිත්‍රපටයට හැකියාව ලැබේවි. කලින් විදිහටම මේ චිත්‍රපටය අධ්‍යක්ෂණය  Chris Buck, Jennifer Lee දෙදෙනා මෙවරත් ඒ කර්තව්‍ය බාහරගෙන හොඳින් ඉටුකර තිබෙනවා.  හඬ කැවීම් දායකත්වයෙන්  Kristen Bell (ආනා), Idina Menzel (එල්සා), Josh Gad (ඔලාෆ්) සහ Jonathan Groff (ක්‍රිස්ටෝෆ්) ගේ චරිත සඳහාත් කලින් පිරිසම සහභාගී වී තිබෙනවා. දැනට මේ චිත්‍රපටය IMDb දර්ශකයේ 7.2 ක ලකුණු ප්‍රමාණයක් හිමිකරගෙන තිබෙනවා. ඒ වගේම කියන්න ඕන මේ චිත්‍රපටය ලැබූ ආදායම ගැන විශේෂයෙන්. චිත්‍රපටය නිර්මානය කිරීමට වැයවූ ඩොලර් මිලියන 150   අද දින වනවිට ඩොලර් මිලියන 1233 ක ආදායමක්  කරගැනීමට ආනා සහ එල්සා නිවුන් සොයුරියෝ දෙදෙනා සමත් වී තිබෙනවා. පසුගිය නොවැම්බර් 20 තිරගතවීම ආරම්භ කල මේ චිත්‍රපටය මේ මොහොත වනවිටත් චිත්‍රපට ශාලා වල තිරගත වන අතර ලෝකයේ හොඳම ආදායම් ලැබූ චිත්‍රපට අතරින් 19 ස්ථානයත් හිමිකරගෙන තිබෙනවා. බොහෝ දුරට දෙවැන්න පළමුවැන්නට වඩා සාර්ථක විය හැකියි. මොකද පළමුවැන්න නතර උනේ ඩොලර් මිලියන 1274ක ආදායමකින්. එය අභිබවා යන්න තව කෙටිකලකින් දෙවැන්නට අවස්තාව උදා වේවි.

එහෙනම් චිත්‍රපටය ගැන ටිකක් කියල මම අදට නතර වෙන්නම්. මම කලින් කිව්වා වගේම ඔයාල ආනා සහ එල්සා ගැන දන්නවනේ. මේ නිවුන් සහෝදරියන්ගෙන් කෙනෙක්ට විශේෂ මායා බලයක් තියෙනවා. ඒ බලය ලැබුණේ කොහොමද සහ එහි අතීතය අපිට දැනගන්න ලැබුණේ නැහැ පළමු චිත්‍රපටයේදී. පළමු චිත්‍රපටය තුල අපිට දැනගන්න ලැබුණේ එල්සාට කරන්න පුළුවන් දේවල් සහ ඇයට ඉතා විශාල බලයක් හිමිවෙලා තියෙනවා කියල. ඇය එය පාලනය කරගන්න බැරුව වෙනම අයිස් මාලිගාවක් නිර්මාණය කරගෙන හිටියා. එත් අවසානයේ නිවුන් සහෝදරියෝ දෙදෙනා නැවත එකතු වෙලා එයාලගේ රාජ්‍යය උන එරන්ඩල් නැවත හොඳින් පාලනය කරන්නට උනා. ඉතින් මේ අලුත් චිත්‍රපටය තුල කතා නායිකාව වෙන්නෙත් එල්සා. එල්සාට එක්තරා හඬක් ඇසෙන්න ගන්නවා. ඇය හිතන්නේ කවුරුන් හෝ ඇයට කතාකරනවා කියලා. හැමදාම මෙහෙම ඇයට විතරක් ඇහෙන මේ හඬ කොහෙන්ද එන්නේ ඇයි  ඇයට විතරක් ඒ හඬ ඇහෙන්න කියන එක එල්සට ලොකු ගැටළුවක්. ඉතින් මේ ගැටළුව එල්සගේ අම්මා සහ අප්පච්චිගේ අතීතයටත් සම්බන්ධයි. එල්සා දවසක් ඇයගේ මායා බලය යොදාගෙන මේ හඬ මොකද්ද කියල හොයන්න උත්සාහයක් අරගන්නවා. ඒ අවස්ථාවේදී තමයි එල්සට තේරුම් යන්නේ තමන් කල දේ ඇති බරපතල කම ගැන. ඉතින් මේ වැරැද්ද නිසා එරන්ඩල් වලට ලොකු බලපෑමක් වෙනවා වගේම එරන්ඩල් වල අනාගතය රැඳී තියෙන්නෙත් මේ නිවුන් සොයුරියෝ දෙදෙනා අතෙයි.  වෙනදා වගේම කතා කරන හිම මිනිහා ඔලාෆ්, ක්‍රිස්ටෝෆ් හෙවත් ආනාගේ පෙම්වතා සහ ස්වෙන් නමැති ක්‍රිස්ටෝෆ්ගේ පිණි මුවා මේ චිත්‍රපටයටත් එකතු වෙනවා මේ අලුත් වික්‍රමාන්විත ගමන යන්න.

එහෙනම් යන්න කලින් කියන්නම් මේ උපසිරසි නිර්මාණය කලේ සම්මාන උළෙලවල් සදහා නිකුත් කල පිටපතක් යොදාගෙනයි. DVD SCR කියල පිටපත නම් කරන්නේ අන්න ඒ නිසයි. 720p /1080p වගේ කොපි එකක් එක්ක කිසිම ගැටළුවක් නැතුව ඔයාලට මේ චිත්‍රපටය කිසිම බාධාවක් නැතුව බලන්න පුළුවන් කියල වගකීමෙන් කියනවා. එහෙම නැති නම් මාර්තු අග බාගය වත් වෙනකන් දරුණු ඝනයේ ඉවසීමක් කරන්න ලැස්ති වෙන්න බ්ලුරේ කොපියක් එක්ක බලන්න. ඒ වගේම ඔයාලට මේකේ Post Credit සීන් එකක් තියෙන බවත් මතක් කරන්න ඕන. ඒ සඳහාත් උපසිරසි නිර්මාණය කරලා තියෙන්නේ. ඒකත් බලන්න කියලා ආරාධනා කරන ගමන්  එහෙනම් ගිහින් එන්නම් ජයෙන් ජය!!

Click Here කළ පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrent Download

| Bluray | x264 | 720p | 940MB | YTS|

| Bluray | x264 | 1080p | 1.8GB | YTS|

Direct Download

| Bluray | x264 | 720p | 940MB | YTS|

| Bluray | x264 | 1080p | 1.8GB | YTS|

x265

| Bluray | x265 | 720p | 670MB | PSA |

| Bluray | x265 | 1080p | 1.4GB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

6 thoughts on “Frozen II (2019) | අද්භූත වනාන්තරය !!! [Bluray Updates]

  • January 3, 2020 at 09:19
    Permalink

    Google drive link ekkak danna barida?

    Reply
  • January 3, 2020 at 09:24
    Permalink

    Terminator dark fate film eka daanna puluwanda

    Reply
  • January 15, 2020 at 07:56
    Permalink

    droplink eken download karanne kohomada , plz msg ekak danna puluwanda. MEGA or GDrive danna puluwan nam loku deyak.

    Reply
  • February 16, 2020 at 09:10
    Permalink

    Commando 3 thama nedda bn

    Reply

Leave a Reply

Your email address will not be published. Required fields are marked *

error: Alert: Content is protected !!