Sye Raa Narasimha Reddy (2019) | ඉන්දියාවම අමතක කල නාමයක්…

ඉන්දීයානු ඉතිහාසය ගත් කල යටත් විජිත සමයේදි බ්‍රිතාන්‍යන්ට එරෙහිව නිදහස් සටන් කල අය අතර ජාන්සි ලක්ෂ්මි භායි,චන්ද්‍රසේකර් ආසාද්,භගත් සිං වැනි ශ්‍රේෂ්ඨ වීරයන් ගැන හුවාදක්වන්නට පුලුවන්.! නමුත් ඉතිහාස පොත් වල පිටුවලින් සැඟවී ගිය එක් වීරයෙකු සිටිනවා. මුළු ඉන්දියාවටම අමතකවූ ඔහු නමින් උයියාලවාඩා නරසිම්හා රෙඩ්ඩි ය. යටත් විජිත සමයේ ඉංග්‍රීසීන්ට එරෙහිව ප්‍රථම නිදහස උදෙසා සිදුකරන ලද සටන දියත් කලේ ඔහුයි.! 1805 දී ආන්ද්‍රා ප්‍රදේශ් ප්‍රාන්තයේ කුරුනූල් දිස්ත්‍රික්කයේ උපත ලබා ඉංග්‍රීසීන් සහ සටන් වැදුනු ප්‍රථම ඉන්දීය ජාතික වීරවරයායි.! මේ කියන්නට සූදානම් වන්නේ ඔහුගේ ජිවිත කතාව සිනමාපටයකට ගොඩනැගුන ආකාරයයි.

දකුණු ඉන්දීය සිනමා රසිකයන් වගේම බහුතරයක් සිනමා රසිකයින් හොඳින් දන්නා හඳුනන කෙනෙක් තමයි මෙගාස්ටාර් චිරන්ජීවි කියන නාමය. ඒ කවුරුවත් නොවෙයි තෙලඟු නළු මේගාපවර්ස්ටාර් රාම් චරන්ගේ පියාව.! ඉතිහාස කතාවක ආදීකාලයේ ඇඳුම් අඳින චරිත සිටින (Costume Drama) සිනමාපටයක රඟපෑමට මෙගාස්ටාර් චිරන්ජීවිට දිගුකාලයක් තිස්සේ තිබු සිහිනයක්.! ඔහුගේ පුත් රාම් චරන්ගේ දිවියේ දෙවැනි සිනමාපටය වූ මඝධීරා චිත්‍රපටයෙන් ඔහු ලැබු සාර්ථකත්වය සහ ඔහුට ලැබුණු උසස් ප්‍රතිචාර නිසාවෙන් එය තවත් සැබෑකරගන්නට ඔහු පෙළඹුනා, ඒ නමුත් එවැනි චිත්‍රපටයක් නිෂ්පාදනය කලහොත් එහි වියදම සොයාගැනීම ගැන යම්කිසි මට්ටමක අවදානමක් තිබුණ නිසා ඒ සිහිනය තවත් කාලයක් තිස්සේ යටපත්වී තිබුණා. මේ අතර 2015 වසරේ තෙලඟු සිනමාවේ ඉතාමත් අද්විතීය සිනමා අධ්‍යක්ෂකවරයකු වූ S.S. රාජාමෞලි විසින් බාහුබලී සිනමාපට ද්විත්වය නිරිමාණය කරනු ලබනවා. ඔහුගේ එම නිර්මාණයෙන් සැබැවින්ම දකුණු ඉන්දීය සිනමා කර්මාන්තයේ තෙලඟු සිනමාවේ සිදුවූයේ මහත් පෙරලියක්.! ඒ මුළු ලෝකයම තෙලඟු සිනමාව ගැන කතා කරන්නට පටන්ගෙන එදා මෙදාතුර මුළු මහත් ඉන්දියවේම ලොකුම ආදායම් වාර්ථාව පවා තැබීමට හැකිවුණ විශිෂ්ඨ නිර්මාණයක් බවට පත්වීමෙන්.!

බාහුබලී චිත්‍රපටයෙ සාර්ථක්වය හේතුවෙන් මෙගාස්ටාර්ට තමන්ගේ යටපත්ව තිබු ආශාව යලිත් උපදින්නට පටන්ගත්තා. කිමද ඔහු ආශාකරන මාදිලියේ ඉතිහාස කතාවක් අවදානමකින් තොරව නිර්මාණය කිරිමට හැකිවීම හේතුවෙන්.! කෙසේ හෝ ඔහුගේ පුත් රාම් චරන් විසින් ඊට ගැලපෙන කතාවක්ද සොයාගනු ලැබුවා. ඒ යටත් විජිත සමයේ බ්‍රිතාන්‍යන්ට එරෙහිව මුළු භාරතපුරවරයෙන්ම ප්‍රථම වරට යුධ වැදුනු දකුනු ඉන්දීයාවේම ජීවත්ව සිටි උයියාලවාඩා නරසිම්හා රෙඩ්ඩිගේ ජිවිත කතාවයි.! මේ අවස්තාවේදි පියා සහ පුතා විසින් දක්ෂ තෙලඟු අධ්‍යක්ෂවරයකු වූ සුරෙන්ද්‍ර රෙඩ්ඩිව මුණ ගැසී මේ කාරණවා ඔහු හමුවේ තැබුවමුත් එකවරම සුරෙන්ද්‍ර රෙඩ්ඩි විසින් ඒ පිළිබඳව තමන්ට සිතීමට යම් කාලයක් අවශ්‍යය බව ප්‍රකාශකර තිබෙනවා. ඒ චිරන්ජීවි වැනි මහා රංගධරයෙකුට තමන් ගේ උපරිම කැපවීම ලබාදීමට සූදානම් වීම සඳහා බව ඔහු පසුව ප්‍රකාශකර සිටියා. අවසානයේ ඔහුගේ සහයකයන් සමඟින් එකතුවී ගැලපෙන පරිදි තිරපිටපතක් සකසාගෙන නැවතත් මෙගාස්ටාර් ව හමුවී එය ඉදිරිපත් කොට චිත්‍රපටයේ ඉදිරි වැඩකටයුතු සඳහා යොමුවී තිබෙනවා. ඊලඟට ඇතිවු ගැටලුව නම් නිෂ්පාදකයකු ‍සොයාගැනීමට සිදුවු අපහසුතාවය අවසානයේ රාම් චරන් විසින්ම තම පියාගේ චිත්‍රපටය නිෂ්පාදනය කිරීමට යොමුවනවා. කෙලෙසින් හෝ මේ දැවැන්ත නිර්මාණය එලිදක්වන්ට අවුරුදු පහක් හයක්ම ගතවී තිබෙනවා.

චිත්‍රපටයේ රඟපාන නළු නිලියන් ගැන කතාකරන විට විශේෂයෙන් කතා කල යුතු නළුවකු සිටිනවා. එවකට හිංදි සිනමාවේ පමණක් නොව ලෝකය පුරාම ප්‍රසිද්ධ නළු අමිතාබ් ගැනයි.

අම්තාබ් ගේ ප්‍රථම දකුණු ඉන්දීය සිනමා ආගමනය මෙයයි.! ඔහුට මෙහි රඟපෑම සඳහා ආරාධනා කල විටදි ඔහු පුදුම වී තිබෙනවා. ඒ තමන් දකුණු ඉන්දිය සිනමා පටයකට ගැල‍පේද? තමන්ට ඒ නිර්මාණය සඳහා හොඳ උපරිම සාධාරණයක් ඉටුකල හැකිවේවිද.? යන්න ආදිය ඔහු තුල ඇතිවු පැනයන් නිසා. අවසානයේ චිරන්ජීවී කල ආරධනයෙන් ගෞරවනීය රංගනය සඳහා පැමිණි ඔහු තම මිතුරු චිරන්ජීවි ට ගරු කිරිම වස් මේ චිත්‍රපටය සඳහා රඟපෑමට ඔහු කිසිඳු ගාස්තුවක් අයකරගෙන නොමැති බවද වාර්තාවෙනවා. තවද අඩුතරමින් ඔහු රූගත කීරිම් සඳහා යන එන විට ගුවන් ටිකට්පත් වලට යන වියදම සඳහාවත් අම්තාබ් නිෂ්පාදක රාම් චරන්ගෙන් කිසිඳු මුදලක් අය නොකල බවද සඳහන් වනවා.

චිත්‍රපටය සඳහා රංගනය සපයන නළු නිළියන් පිරිස වන්නේ චිරන්ජීවි, අම්තාබ් භච්චන්, ජගපති බාබු, විජයසේතුපති, සුදීප්, නයන්තරා, තමන්නා සහ ආරාධිත රංගනයෙන් අනුෂ්කා ශෙට්ටිද ඒ අතරවනවා.

චිත්‍රපටයේ පූර්ව ප්‍රචාරක පටය එලිදක්වා පැය විසිහතරක් ගතවන විටදි එය නැරඹු සංඛ්‍යාව මිලියන 34 ක් ලෙසින් සටහන්ව තිබුණා. පූර්ව ප්‍රචාරක පටය නිකුත් කල දා පටන් චිත්‍රපටය සඳහා ඉමහත් උසස් මට්ටමේ විචාරක ප්‍රසාදයන් සහ ප්‍රේක්ෂක ප්‍රතිචාරයන් ලැබී තිබුණා එවායෙන් කිහිපයක් පහතින් දක්වන්නම්.!

සිනමා අධ්‍යෂක SS රාජාමෞලි           /           බොලිවුඩ් නළු සල්මාන් ඛාන්.

බොලිවුඩ් නළු අමීර් ඛාන් තෙලඟු           /           සහ දමිළ නිලි සමන්තා.

චිත්‍රපටය නිර්මාණය කිරීමේදි සිදුවු තවත් විශේෂ කරුණු කිහිපයක් පහතින්..!

  1. මෙහි ඇති පලමු ගීතය රූගත කිරීම සඳහා නර්ථන ශිල්පීන් 4500 දෙනෙකු පමණට කුලියට ගෙන තිබෙනවා. චිත්‍රපටයක ගීතයක් සඳහා වැඩිම නර්ථන ශිල්පීන් ප්‍රමාණයක් සහභාගී කොට ගත් ප්‍රථම වතාවද මෙය වනවා.
  2. ජෝර්ජියාවේ රූගත කෙරුණු යුද්ධ කරන දර්ශණ සඳහා රංගන ශිල්පීන් ඇතුලු කාර්ය්‍ය මණ්ඩලය 250 දෙනෙකු යොදාගෙන තිබෙනවා.
  3. නොසම් බලකොටුවෙහි තිබෙනා රාත්‍රී යුධ දර්ශනය චිත්‍රපටයේ ප්‍රධාන කොටසක් වන අතර එය රූගත කිරීම සඳහා නවක රංගන ශිල්පීන් 2000 ක් සමඟින් රාත්‍රීන් 35 ක් ගතවී තිබෙනවා.
  4. දින තිහක කාලයක් ලන්ඩනයේ නළුවන් 100 කට වැඩි ප්‍රමාණයක් පරික්ෂාකොට ඒ අතරින් ප්‍රධාන චරිත සඳහා තොරාගෙන ඇත්තේ ශිල්පීන් සත්දෙනකුය.
  5. චිත්‍රපටයේ නිෂ්පාදන පිරිවැය දල වශයෙන් ඉන්දීය රුපියල් කෝටි 200 ත් 270 ත් අතර ප්‍රමාණයක් පමණ වී ඇත.
  6. චිත්‍රපටය තෙලඟු, දමිළ, කන්නඩ, මලයාලම් සහ හිංදි යන භාෂා 05 න්ම නිකුත්කර තිබෙනවා.

සටන් අධ්‍යක්ෂක- Lee Whittaker චිරන්ජීවි සහ චිත්‍රපටයේ අධ්‍යක්ෂ සුරෙන්ද්‍ර රෙඩ්ඩි.

ඉතාමත් කලාතුරකින් නිර්මාණය වන මේ අග්‍රගන්‍ය සිනමා නිර්මාණය ඔබගේ බැලිය යුතු චිත්‍රපට ‍ගොන්නට ඇතුලත් කරගන්නට යැයි මා ආරාධනය කරන්නට කැමතියි.ඇත්තෙන්ම ඔබටත් එය හොඳ අත්දැකීමක් වේවි. එනම් මෙවැනි චරිතාපදානයන් මෙවැනී ජාතික වීරයන් පිළිබඳ කතා පුරාවෘත අප රටේද ඕනෑ තරම් අසන්නට සොයාගන්නට හැකියි. මන්ද ශ්‍රීලාංකිකයින් වන අපටද යටත් විජිත සමයේ පෘතුගීසී,ලන්දේසීන් සහ ඉංග්‍රීසීන්ට එරෙහිව සිදුකරන ලද නිදහස් සටන් පිලිබඳ කතා අළුත් දෙයක් නොවෙයි. එකල අප රටද බ්‍රිතාන්‍ය අධිරාජ්‍යවාදීන්ගේ යටත් විජිතයක් බවට පත්වී තිබුනා.එය ශ්‍රිලාංකික අප සියලුදෙනා දන්නා කරුණක්.! අප රටේද බ්‍රිතානය්‍ය අධිරාජ්‍යවාදීන්ට එරෙහිව සටන් සිදුවුන බව ලංකා ඉතිහාසයද සක්ෂි දරණවා.

සයිරා නරසිම්හා රෙඩ්ඩි කතා පුවත රැගත් මේ චිත්‍රපටය සඳහා ඉතාමත් ධනාත්මක ප්‍රතිචාරයන් ලැබී තිබුණා. ඉහතින් පූර්ව ප්‍රචාරක පටය සඳහා ලැබුණු ප්‍රතිචාරයන් පෙල ගැස්සුවා මෙන් චිත්‍රපටය තිරගතවූවාට පසුව පලවු ප්‍රේක්ෂක අදහස් සහ විචාරක අදහස් පහතින් දක්වන්නම්.

අවසාන වශයෙන් වෙනදා මෙන් කියන්න තිබෙන්නේ චිත්‍රපටය ගැන යම් තොරතුරු ප්‍රමාණයක් පුලුවන් හැටියට ඔබට ගෙනැවිත් තිබෙනවා. චිත්‍රපටය නරඹනවද.? නැද්ද යන්න. ඔබට මේ විස්තරය දෙස බැලුවම තීරණය කල හැකිවෙයි. මේක හොඳයි අරකට වඩා මේක මෙච්චරට වියදම් කරලා තිබෙනවා. නානාප්‍රකාර කරුණු වලට මුල්තැන දලා ඇ‍‍‍‍ගේ ගහලා යන්නේ නෑ. අවසාන වශයෙනුත් කියන්නම් Comment තීරුවේ ඔබ දක්වන අදහස් අපට ඉතාමත් වැඳගත් වෙනවා. එය අපි ඉතාමත් අගයකොට සලකනවා. අපි මේ මහන්සිවෙලා කරන වැඩේට ඔබත් අදහස් දැක්වීමකින් යම් වටිනාකමක් ලබාදෙන්න යැයි ඉල්ලා සිටිනවා. අප වෙබ් අඩවියේ ඇඩ්මින්වරයකු වන තිසර සහෝට විශේෂ ස්තුතිය පිරිනමින් සමුගන්නවා.

ඔබ සැමට කඳසුරිඳු පිහිටයි.!

(චිත්‍රපටයෙ දමිළ පිටපත සඳහා සිංහල උපසිරැසි සකසා ඇති බව කාරුණිකව සලකන්න. එැබැවින් දමිළ පිටපත පමණකම බාගත කරගන්න. ස්තුතියි.!)

Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| HDRip | x265 | 720p | 900MB | 

Direct Download

| HDRip | x264 | Proper | 240MB | 

| HDRip | x264 | Proper | 400MB | 

| HDRip | x264 | Proper | 700MB |

| HDRip | x264 | 720p | 1.4GB | 

| HDRip | x264 | 1080p | 3.6GB |

x265

| HDRip | x265 | 720p | 1.2GB | 

| HDRip | x265 | 1080p | 1.7GB | 

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

10 thoughts on “Sye Raa Narasimha Reddy (2019) | ඉන්දියාවම අමතක කල නාමයක්…

  • November 22, 2019 at 10:59
    Permalink

    Meke dala thiyena Link eka waradiyine.
    Paliwan Download wenne.

    Reply
  • November 22, 2019 at 18:54
    Permalink

    torrent link is not sye raa narasinha reddy its pailwan.plz update link.thankz

    Reply
    • December 1, 2019 at 19:42
      Permalink

      Thanks broo.. baiscope.lk/jaya weva..

      Reply
  • November 23, 2019 at 02:44
    Permalink

    Torrent Link eka waradii 1gb kela una podak balala danna..
    thankss.

    Reply
  • November 23, 2019 at 08:35
    Permalink

    torrent link eka weradiii… balala download karanna. thankz bokka

    Reply
  • December 1, 2019 at 19:35
    Permalink

    මේ හෑෂ් ටැග් එක බලන්න
    Hash : B76D564F3F7987FC926BEC84BF208230FF3BFC69

    Reply
  • December 7, 2019 at 12:24
    Permalink

    brand babu 2018 eke sinhala sub eka denna puluwnda?

    Reply

Leave a Reply

Your email address will not be published. Required fields are marked *

error: checked