The Third Wife (2018) | නොහඩන්, සූරියකාන්තා…

මුලින්ම ස්තූතිවන්ත වෙන්න ඕනෙ මම කලින් කරපු ” The Ottoman Lieutenant (2017) ඔබට මා, ආදරය කල බව මෙතරම්… ” උපසිරැසියට එක වචනෙකින් හරි මට ස්තූති කරපු හැම දෙනාටම. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ.

සෑම වසරකදීම ලෝකය පුරාවට විවිධාකාර රටවල් වල විවිධාකාර භාෂා වලින් නිර්මාණය වන්නාවූ දස දහස් ගනනක් වූ සිනමා පට අතුරින් බොහෝවිට අපේ නෙත ගැටෙනුයේ ඉංග්‍රීසි, කොරියානු, හිංදි, දමිළ ආදී සීමිත භාෂා ගණනකින් නිර්මාණය වූ එකම වර්ගයකට අයත් සිනමා නිර්මාණයන් කොටසක් පමණයි. මේ හේතුව නිසාවෙන්ම වෙනත් භාෂා වලින් නිර්මාණය කෙරෙන්නා වූ විශිෂ්ට සිනමාපට රැසක්ම අපට නොදැනීම මගහැරී යනවා. මේ උත්සාහය එසේ මගහැරී ගිය වෙනස්ම ආකාරයේ සිනමා සිත්තමකට උපසිරැසියක් ලබා දෙන්නයි. මේ සිනමා සිත්තමේ හොඳ කොපියක් හොයා ගන්න උදව් කරපු අන්තර්ජාලයේ නොදුටු මිතුරෙක් වන ” Lakmal Jeewantha ” සොයුරාට බොහොමත්ම ස්තූතියි.

19 වන සියවස අගභාගයේදී වියට්නාමයේදී සිදුවූ සත්‍ය සිදුවීම් පෙළක් ඇසුරු කර ගනිමින් අධ්‍යක්ෂක ” Ash Mayfair ” ගේ කුළුඳුල් සිනමා නිර්මාණය ලෙසින් එළිදැක්වුන මේ සිනමා සිත්තම මේ වසරේදී වැඩිම ප්‍රේක්ෂක අවධානයකට ලක් වූ සිනමා නිර්මාණයක් බවට පත්වූවා. ඉන් පසුව ලොව පුරා පැවති විවිධාකාරයේ සිනමා සම්මාන උළෙලවල් වර්ණවත් කරමින් සම්මාන 8ක් දිනාගෙන තවත් සම්මාන 12ක් සඳහා නිර්දේශ වූයේත් විචාරකයින්ගේ නොමද පැසසුම් මධ්‍යයේයි. ඒ වගේම IMDb දර්ශකයේ 6.8ක් සහ Rotten Tomatoes වර්ගීකරනයේ 89%ක් ලබා ගන්නටත් මේ සිනමා සිත්තමට හැකියාව ලැබුනා. දැන් හිතාගන්න පුලුවන්නෙ මේ කියන්නෙ කොහොම ෆිල්ම් එකක් ගැනද කියලා.

පිරිමි ඔබෙන් මම පුංචි ප්‍රශ්නයක් අහන්නම්, ජීවිතේ කවදා හරි ගැහැනියෙක් වෙන්න හිතිල තියෙනවද…? ගැහැනු ඔබෙන් මම මෙහෙම අහන්නම්, ජීවිතේ කවමදාක හරි පිරිමියෙක් වෙන්න ආස හිතිල තියෙනවද…? පිරිමි ඔබට එක මොහොතකට ගැහැනු හිතක් ඇතුලට එබිල බලන්න අවස්ථාවක් ලැබුනොත් ඔබ ඒ හැඟීම විඳ ගන්න කැමතිද…? පිරිමි අපිට නොතේරෙන ගැහැනියක් වීමේ ඒ හැඟීම, එයිනුත් පුරුෂ මූලික සමාජ ක්‍රමයක් ඇති ආසියානු කලාපයේ දුක් විඳිනා ගැහැනියක් වීමේ ඒ හැඟීම, මිනිත්තු 96ක් පුරාවට ලොවට සැගවුන ගැහැනියකගේ ඒ හදවත විනිවිද දැක ගන්න ඔබටයි මේ ආරාධනය. ඇතැම්විට මේ ඔබේ මවගේ, සහෝදරියගේ, දියණියගේ කතාව විය හැකියි.

” මෙයි “
ඔබ දන්නේ ඇගේ නම පමණි
ඇගේ ජීවිත කථාව නොවේ…
ඔබ අසා ඇත්තේත් ඇය කල කී දෑ මිසක,
ඇය ජීවිතයේ විඳ ඇති අනේක වූ දුක් කම් කටොලුත් නොවේ…
එබැවින් ඔබ ඇයව විනිශ්චය කිරීමට පෙර
දෙවරක් සිතා බලන්න…
අවසරයි නරඹන්න,
” මේ ඇගේ කතාවයි…. “

තවමත් මේ ෆිල්ම් එක බලන්න ඕනෙ කියල හිතුනෙ නැත්තන් ෆිල්ම් එකේ ට්‍රේල බලලම තීරණයක් ගන්න. නැත්නම් මගේ ලිපි ලිවීමේ නොහැකියාව නිසා පට්ටම ෆිල්ම් එකක් මිස් වෙයි. ඒ වගේම තවත් දෙයක් මේ සිනමා සිත්තමේ තියෙන සමහර දර්ශන වැඩිහිටියන්ට වඩාත් සුදුසු වෙනවා. ඒ දර්ශනයන් කලාත්මක ඇසකින් විතරක් දකිනවා නම් මේ සිනමා සිත්තමේ රසය වඩාත් හොඳින්ම විඳ ගන්නට ලැබේවි.

මෙවර ඔස්කාර් සම්මාන උළෙලේදී හොඳම විදේශීය භාෂා චිත්‍රපටය ඇතුලු ඔස්කාර් සම්මාන ද්විත්වයකටම නිර්දේශ වූ විශිෂ්ට ජර්මානු සිනමා සිත්තමක උපසිරැසියත් සමඟින් නැවත හමුවෙමු.
ඔබට ජය….!

ප.ලි
සබ් කරන්න මග ඇරුන පරන උනත් හොද ෆිල්ම් තියෙනවා නං පහලින් කමෙන්ට් එකක් දාලා යන්න. පුලුවන් විදියකට කරන්නම්.

Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrent Download

| BluRay | x265 | 720p | 250MB |

| BluRay | x264 | 1080p | 3.0GB |

Direct Download

| BluRay | x264 | 480p | 250MB |

| BluRay | x264 | 1080p | 1.8GB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *

error: checked